Bylgja fishtail
Bylgja logo
BRC vottun

Fiskiðjan Bylgja í Ólafsvík hefur fengið vottun á gæðakerfi sitt samkvæmt BRC staðli. Undanfarna mánuði hefur farið fram vinna við uppfærslu á gæðakerfi fyrirtækisins með það að markmiði að styrkja starfsemina og fyrirtækið enn betur á mörkuðum erlendis. Það er ljóst að kröfur frá kaupendum matvæla frá Íslandi, einnig kröfur frá stórmörkuðum og verslunarkeðjum sem bjóða íslensk matvæli á mörkuðum erlendis, hafa verið að aukast undanfarin misseri og við því þurfti að bregðast.

 

Við uppfærslu gæðakerfisins var stuðst við BRC gæðastaðal (British Retail Consortium, Global standard for food safety), sem í grunninn byggir á HACCP, en sá staðall tekur mið af framleiðslunni í víðu samhengi og þá ekki síst er varðar öryggi matvæla. Verkefnið var unnið í samvinnu við Centrum HACCP  en fyrirtækið veitir sérfræðiráðgjöf og þjónustu hvað varðar lausnir í gæðamálum, innleiðingu gæðakerfa, þjálfun og fræðslu sem og eftirfylgni á meðan nýjungar eru að festa sig í sessi.  Allt þetta ferli hefur byggst á góðu samstarfi stjórnenda og starfsmanna.

 

Vinnan við uppfærslu gæðakerfisins hefur verið lærdómsrík og skilað fyrirtækinu margvíslegum ávinningi. Meiri og betri yfirsýn er yfir starfsemina og þá lykilþætti er nýtast til markvissari innkaupa og framleiðslustjórnunar. Það er ljóst að alþjóðleg gæðakerfi eru gagnleg, nýtast í markaðsmálum og munu styrkja starfsemina á margvíslegan hátt.

 

Fiskiðjan Bylgja leggur áherslu á að hún er matvælaframleiðandi og ber ríka ábyrgð sem  slík. Mikilvægt er að allir aðilar, er koma að málum, líti á sig sem hlekk í keðju matvælaframleiðenda er hafa sameiginlegt markmið. Markmiðið er að hámarka verðmæti íslensks sjávarfangs á erlendum mörkuðum. Þekking starfsmanna útgerða, fiskmarkaða og flutningsaðila þarf að tryggja að á fyrstu stigum ferilsins sé hugað að meðferð hráefnisins. Kæling hráefnisins er lykilatriði frá fyrstu hendi. Mikilvægt er að horft sé til frágangs afla, ísunar, röðunar og annarra þátta er hafa áhrif á gæði hráefnisins sem að lokum berst vinnsluaðilum. Í lok dagsins erum við jú öll, er komum að vinnslu sjávarfangs, að stefna að sama markmiði.

Ólafsvík 28.01.2013

 

 

Cod

fiskar

Sjálfbær, ferskur, frosinn fiskur frá hreinustu og auðugustu fiskmiðum heims

English (United Kingdom)Icelandic(IS)Svenska (Sverige)
  • BRC vottun

    Fiskiðjan Bylgja í Ólafsvík hefur fengið vottun á gæðakerfi sitt samkvæmt BRC staðli. Undanfarna mánuði hefur farið fram vinna við uppfærslu á gæðakerfi fyrirtækisins með ...


  • Fiskiðjan Bylgja hf tekur upp nýtt merki fyrir gæði framleiðslunnar

    Lengi vel var blá skata notuð sem merki fyrirtækisins og auðkenni fyrir afurðir fiskiðjunnar. Með vaxandi útflutningi, fjárfestingu í betri tækjabúnaði og gæðastjórnun, kom grundvöllur að hönnun nýs merkis, sem samtímis sýnir uppruna hráefnisins, þ.e.a.s Ísland.
       Mikilvægt er fyrir viðskiptavini fyrirtækisins að geta rakið uppruna þess fisks, ...


Fiskidjan Bylgja hf verkar, frystir og flytur út yfir 15 fiskitegundur. Hér fyrir neðan er listi yfir helstu afurðir okkar:

Nokkrar fiskitegundir

Steinbítur
Lúða
Ýsa
Karfi
Langa
Skötuselur
Tindaskata
Rauðspretta
Langlúra
Ufsi
Þorskur
Lýsa
Sandkoli

rflogo